სამშაბათს, 3 მაისს,15:00 საათზე, ინსტიტუტში ჩატარდება ევროპის უნივერსიტეტის პროფესორის, დაპროგრამებაში უმაღლეს სასწავლებელთა შორის მსოფლიო ჩემპიონატის სამხრეთ კავკასიის რეგიონული დირექტორის, თ. ზარქუას მოხსენება თემაზე: “თანამედროვე გამოწვევები ინფორმატიკის დარგის სპეციალისტების მომზადების საქმეში”

ანოტაცია

განხილული იქნება გამოწვევები, რომელთა წინაშე დადგა თანამედროვე საზოგადოება საინფორმაციო
ტექნოლოგიების მკვეთრი განვითარებისა და ამ ტექნოლოგიებით ადამიანის საქმიანობის პრაქტიკულად ყველა სფეროს დაფარვის პირობებში. ყურადღება გამახვილდება დაპროგრამების საფუძვლების შესწავლის პრობლემებზე, რაც გამოწვეულია დღეს არსებული კონკრეტული კონიუნქტურით. მიმოიხილება რისკები, რომლებიც ხელს უშლის დაპროგრამების სწავლების სათანადო ხარისხით წარმართვას. ჩამოყალიბებული იქნება მიდგომები, რომლებიც გამიზნულია განხილული პრობლემატიკის წარმატებული დაძლევისთვის.

სემინარის მონაწილეებს შეგახსენებთ, რომ ამჟამად, პანდემიური ვითარების გათვალისწინებით, ინსტიტუტში მოქმედებს ხალხმრავალი ღონისძიებების ჩატარების რეგულაციის წესები. სახელდობრ,
“იზოლაციისა და კარანტინის წესების დამტკიცების შესახებ” საქართველოს მთავრობის 2020 წლის 23 მაისის №322 დადგენილებით და მასში შეტანილი ცვლილებებიდან გამომდინარე, ღონისძიებაზე მოწვეულ ან მონაწილე პირს ევალება
წარმოადგინოს ქვემოთ ჩამოთვლილთაგან ერთ-ერთი:
1) Covid საშვი, რომლის ამობეჭდვა შეუძლია პორტალზე https://covidpass.moh.gov.ge;
2) ვაქცინაციის დამადასტურებელი ცნობა იმის გათვალისწინებით, რომ მეორე დოზიდან გასული უნდა იყოს 14 დღე;
3) ბოლო 72 საათში ჩატარებული PCR ან ბოლო 24 საათის განმავლობაში ჩატარებული ანტიგენის ტესტის პასუხი, ან კორონავირუსის ლაბორატორიული დადასტურებიდან ორი კვირის შემდეგ არ უნდა იყოს გასული 6 თვეზე მეტი.

ინსტიტუტის ადმინისტრაცია